தூரம் வரை
தொலை நோக்கி வைத்து
தேடித் தேடி
தவித்து ஏமாறுகிறது...
வெள்ளி முளைத்த
பொய்த்துப் போனவானத்தில்
கருமேகங்களை..............
வயித்தைக் கட்டி
வாயை கட்டி
விதை நெல்லை வித்து
உரம் வாங்கிப் போட்டு
ஊருக்கெல்லாம் சோறு போட
வயிறு ஒட்டி
வியர்வை சிந்தி....
வரப்பு வெட்டி ....
சண்டை போட்டு
சுமக்க முடியாமல் சுமந்து
இறக்கி வைத்த
வயித்துப் பிள்ளையை
நிறம் பார்த்து கேலி செய்யும்
மனிதர்களைப் போல்
துண்டு மூடி..
விரல் பிடித்து
விலைகேட்கும்
வியாபாரிகளிடம்
சிக்கித்தவித்து
பரிதாபமாய்
மரித்துப் போகிறது
பாட்டாளியின் பசி...
No comments:
Post a Comment
சுந்தர நேசத்திற்கு வருகை புரிந்தமைக்கு நன்றி..