அன்னையே சரணம்

ஆதி சக்தியின் ஆளுமை நம்பிக்கையே 

அற்புதங்கள் நிகழ்த்தும் அன்னையே சரணம் சரணம்

அமைதியே சரணம்

சரணாகதி பிரியங்கள் தரும்

சத்திய ஜீவனுறை நித்திய அமைதியே

சரணம் சரணம் !

செங்கனிவே சரணம்

செந்தணலே செழுமை வழியே 

செங்கனிவே சரணம் சரணம்

பேரமைதி வரமே

பிள்ளை தவமே பேரமைதி வரமே

கருணை கனிவே சரணம் சரணம்

மா சரணம் !!!

தாய்மை மலர்பாதங்களில்

தவறுகளணைத்தும் சமர்ப்பணம்

மா சரணம் !!!!

அன்பே நிறைவே

அன்பே நிறைவே 

ஆழ்தவமே நம்பிக்கையே சரணம் சரணம் !

அன்னையே சரணம்

கலையாளும் தேவமே
கருத்து நிறை கருணையே
தெளிவு தரும் வேதமே சரணம் சரணம்

மா சரணம் !!

சுடரே ஒளியே சூட்சமமே

அழகே அமுதே அற்புதமே

பொருளே வழியே பொற்பதமே

சுடரே ஒளியே சூட்சமமே

உயிரே உணர்வே உன்னதமே

தாயே சேயே தவமே

அம்மையே அன்னையே அழகு உருவே

கதி நீயென கருணை மலரடி சரணடைகிறோம்

தாய்மையே.......

ஓம் நமோ பகவதே ஸ்ரீ அரவிந்தாய நமஹ ..!!!

புஷ்பாஞ்சலி

பக்திநிறை அருளுக்கு பவித்திர துளசி

சக்தி முன்னேற்றத்திற்கு மஞ்சள்செவ்வந்தி

செல்வம் தரும் வளமைக்கு நாகலிங்க பூ

மணம்நிறை வாழ்வுக்கு கனகாம்பரம் 

தெய்வ சித்தம் தர வெண்தாமரை பூ

அவதார மேன்மைக்கு செந்தாமரைப் பூ

நீடித்த வாழ்விற்கு வாடாமல்லி

மனதின் தெம்பு வழங்க துலுக்க சாமந்தி

மனநிறை அமைதிக்கு வெண் செவ்வந்தி

தவறை நேர்செய்ய செவ்வரளி

சரணாகதி பிரியத்திற்கு இளஞ்சிவப்பு ரோஜா

அன்னைஉன் மலரடிகளில் 

ஆனந்த சமர்ப்பணம்

மா ....சரணம்

ஓம் ஆனந்தமயி சைத்தன்ய மயி சத்யமயி பரமே..!!!!!!!!!!

காத்தருள்க தாய்மைகளே....

அன்புவேத ஆகம வளமையே

பண்பு குணநலன் வழங்கும்

வல்லமையே

பாச பொருள்நிறை பவித்திர தூய்மையே

சுத்த மனம்தரும் சுகந்த நேர்மையே

காரியசித்தி வழங்கும்

கனிமன பிரள்யமே

பிரபஞ்சங்கள் காக்க வந்த

பிரதான விந்தையே

சுபிட்ச தினத்தில் சுடரேற்றி

ஸ்ரீஅன்னைஅரவிந்த மடி சரணடைகிறோம்

காத்தருள்க தாய்மைகளே....

ஓம் நமோ பகவதே ஸ்ரீ அரவிந்தாய நமஹ ..

அன்புநிறை பொற்பதமே

தாமிர ஒளி சுடரே போற்றி

தன்னாளுமை யோக வழியே போற்றி

விடியலாய் வந்த வேதமே போற்றி

அமைதி தரும் ஆனந்தமே போற்றி

அன்புநிறை பொற்பதமே

அழைக்க ஓடி வந்து அணைத்து காக்கும் தாய்மைகளே

தேவையானதை ...தேவைப்படும் நிமிடங்களில் தரும் விடியலே.....

தன்னிகரில்லா 

தனித்துவ மேன்மைகளே

சரணம் சரணம் கமலபொற்பாதங்கள் ஆனந்த சரணம்

ஓம் மாத்ரேய நமஹ ...ஸ்ரீ அரவிந்தாய நமஹ...!!

புஷ்பாஞ்சலி

அருள்தரும் ஆனந்தமயிக்கு பன்னீர் பூக்கள்

சங்கடங்கள் விலக்கும் சத்யமயிக்கு ரோஜா பூக்கள்

மனம்சூழும் மணமயமான

சைத்தன்யமயிக்கு செண்பக பூக்கள் ....

அன்பு சமர்ப்பணம்

ஓம் நமோ பகவதே ...ஸ்ரீ அரவிந்தாய நமஹ

மனம் நிறை யாகமே

மா தவ யோகமே

மனம் நிறை யாகமே

சுத்தம் உறை சுகந்தமே

சூட்சம ஒளி கீதமே

அன்பே அருளே அமைதியே

மெளனவழி மனதாளும்

மகத்துவமே

சத்தியவழியான நேர்மையே

மா ...சரணம்

ஓம் மாத்ரேய நமஹ...ஸ்ரீ அரவிந்தாய நமஹ ..!!!

பதமலரே பவித்திர ஒளியே

பதமலரே

பவித்திர ஒளியே 

பாச சுடரே

பாதுகாவலே

பனிநிறை குளுமையே

பக்திவள மேன்மையே

உருகி உனை அழைத்து 

உன்திருவடிகளில் 

சிரம்தாழ்த்தி உயிர்மீள்கிறோம் உற்சவமே

ஓம் நமோ பகவதே ஸ்ரீ அரவிந்தாய நமஹ..!!!!!!!

ஆனந்தவழிநிறையே

அண்டப்பெருவழி உறை

ஆனந்தவழிநிறையே

அதிமன வாழ்வளிக்கும்

ஆகம சுடரொளியே

சுற்றம்சூழ் சுகந்தமாய்

உயிரணைக்கும் வேதமே

எப்போதும் உடனிருக்கும்

நம்பிக்கையே நலனே அன்னையே போற்றி போற்றி

ஓம் மாத்ரேய நமஹ ...ஸ்ரீ அரவிந்தாய நமஹ ..!!!

தேன்பிரிய சமாதியே சரணம்

தேவ ஆத்மாக்கள் உறை

தேன்பிரிய சமாதியே சரணம்

கவலைகள் நீக்கும் 

கருணைநிறை சமாதியே சரணம்

உற்சாக முன்னேற்றம் தரும்

உயர் பரம்பெருளுறை சமாதியே சரணம்

அனைத்துமானவளாகி ஆழ்வேள்வி தந்து

இம்மை மறுமை களைந்து

நிதர்சன வாழ்வின் நிம்மதி பிரியமாய்

உடன் வந்து காக்கும்

ஸ்ரீஅன்னை அரவிந்தமெனும்

அமைதியின் வேதமே சரணம் சரணம்

ஓம் நமோ பகவதே ..ஸ்ரீ அரவிந்தாய நமஹ !!!!!!!!!!

கனிவே வடிவான உருவே

கருணை பிறப்பின் வரமே 

கனிவே வடிவான உருவே

தியாகவாழ்வு கொண்ட திருவே

எல்லோரும் நலமுற்றிருக்க

யோக வழி தரும் சுடரே

பற்றுதலாய் நம்பிக்கைபற்றி

அன்னை உன் மனம் தேடி 

ஏறுகிறேன்

மனபலமருளி மகிழ்வென..நிம்மதியென...

உயிரென உணர்வென கருநிறை .....

தேவமே

மா......சரணம்

ஓம் ஆனந்தமயி சைத்தன்ய மயி சத்யமயி பரமே..!!

புஷ்பாஞ்சலி

தெய்வீக உருமாற்றத்திற்கு

செம்பருத்தி

முன்னேற்ற வாழ்விற்கு

அல்மண்டா

கவலைகள் களைய செவ்வரளி

தைரியம் வழங்க எருக்கம் பூ

இனிமை எண் ணங்கள் தரும் பாகற்பூ...

அன்னை திரு பாதங்களில்

ஆனந்த சமர்ப்பணம்

ஓம் மாத்ரேய நமஹ ..ஸ்ரீ அரவிந்தாய நமஹ ..!!!

ஒளியே ஒளியின் வழியே

ஒளியே ஒளியின் வழியே

வாழ்வே வாழ்வின் நிறையே

சுடரே சுடர்தரும் அருளே

அன்பே அன்பின் வளமையே

கனிவே கனியமுத தவமே

அலங்காரி சிங்காரி ஆனந்த ஒய்யாரி...சிருங்காரி...ஓங்காரி ஓதுபொருள் தவமாயி

அன்னையே அம்மையே போற்றி போற்றி....

ஓம் நமோ பகவதே ..ஸ்ரீ அரவிந்தாய நமஹ ..!!!

ஆதர்ச நிம்மதியே போற்றி

ஆதர்ச நிம்மதியே போற்றி

ஆகம வேதாந்தமே போற்றி

ஆனந்த செளந்தரியே போற்றி

ஆதூர தேவமையே போற்றி

அருளே அன்னையே

அன்புநிறை கனிவே போற்றி போற்றி

ஓம் மாத்ரேய நமஹ ஸ்ரீ அரவிந்தாய நமஹ ..!!