சிற்றின்ப ஈசலாய்

அஸ்திவாரமின்றி

கோபுரம் கட்டியேறும்

பொய்மை

:

:

:

தலைகுப்பற தானழிவோம்

ஒரு நாளனெத்தெரிந்தும்

#சிற்றின்ப ஈசலாய்

உணர்வு அனாதை

புகழிசை விரும்பி 

அவள்

வாசிக்கும் விரல்களில் 

வளர்ச்சியிருப்பதாய் ..நம்பி 

மொழி நடனமிடுவாள்

ரசிக்கும் கூட்டமும்

உச்சாதியில் வெறியூட்டும்

பொய்யென தெரிந்து

மெய் விரிப்பாள்

கைதட்டலுக்கு

ஆடல் அவளுக்கின்பம்

ஆட்டுவித்தல் 

கூத்தாடிக்கு மகிழ்வு

நரம்புகள் அறுந்து

நாடி தளர்ந்து

ஓயும் போது

ஒருவரும் தேடாத

நிதர்சன பாதையில்

அவள்

உதாசீன 

உணர்வு அனாதை

பச்சப்புள்ளையென

மனிதர்களை புரிவதில்
மாறுகண் உடையவள் நீ

விக்கி திக்கி
திணறிய போது
திசையும் காட்டினேன்

வாசல்தட்டிய பிரியங்களை
வரவேற்கத்தெரியாமல்

வந்தமர்ந்த சொந்தங்களை
ஆராதிக்க புரியாமல்

அலங்கார குலுங்களில்
ஆதர்ச வேசத்தில்
வண்ணம்தீட்டிய பொய்களில்
வார்த்தைபுரட்டி வாயாடி

ஏளனத் திமிராய்
ஏற்றிய ஏணி
தவறவிட்டு

தவிப்பாய்
மொழிக் கொக்கியிடுகிறாய்

எப்போதும் பழிபோட
எதிராய் எவராவது உனக்கு
அமர்ந்து விடுவார்கள்

இம்முறை நான்

குயவன் கை மண்பாண்டமாய்
கூத்தாடி உடைத்து விட்டு
ஊர் ஒப்பாரி வைப்பதால்
உடைந்தது ஒட்டிவிடுமா

ஓடி ஓடி மறைத்தாலும்
ஓங்கிய ஆதவவிழி ஒளி தான்
மறைக்க முடியுமா

கோபங்களை விட
கொழுந்தெழுகிரது...

நானாகி நேசித்த பிரியம்....
நெம்புகிறது

பாவம் நீ இன்னும்
பச்சப்புள்ளையென

நம்பிக்கை வேரற்று

உண்மையான நேசிப்பு
போலி உருக்களிடம்

சிக்கி
கொல்லும் போது

மனிதப் பிறவி மீதான
நம்பிக்கை
வேரற்று போகிறது

மன விகாரங்கள்..

என்ன தான்
தன் பொய்மை அரிதாரத்தை
தானாக அழிக்க

சிலர் முயற்சித்தாலும்

அவரறியாமல்
செய்யும் செயல் மேல்
ஓடிவந்து அப்பிக் கொள்கிறது

அவர் தம் இயல்பு
மன விகாரங்கள்.....

ஹாஹா......

பிராந்தன் அடையாளமே

பொய்மை சலசலப்புகளும்
போலி சத்தமிடல்களும்

முக்காடு போட்டு
உரு மறைக்கும்
மந்தையாட்டு கூட்டத்தில்

முகம் காட்டும் உண்மை
பிராந்தன் அடையாளமே

கழட்டி எறியும் முகமுடி

கழட்டி எறியும்
முகமுடி

பெயர்த்தெடுத்து
வந்துவிடுகிறது

கொஞ்சம்
முகச்சாயலையும்

நட்பின் அஸ்தமனம்

பொய் சொல்கிறாய்
மெய் நிரூபிப்பாய்

காத்திருந்தேன்

திரும்பி வராத
திருட்டு வழியில்
எட்டி நடை வேகம் போடுகிறாய்

கொஞ்சம் நஞ்சம் ஒட்டிய
நேர்மை உதிர்த்து.........

சலசலப்போடு அலங்காரம் பூட்டிய
இழவு சங்கீதமான உன்னின்
ஆத்மசாந்திக்காய்....ஓர் நிமிடம்
இறுதிப் பிரார்த்தனை செய்து

திரும்பி பார்க்காமல்
கடக்கிறேனடி

சாவில் கூட சேர முடியா
எதிர் திசை நோக்கி

கரும்புள்ளி குத்தி

கிட்ட நெருங்கி
கச்சிதமாய் கண்டு
கரும்புள்ளி குத்தி

கருணை விலக்கி விரட்டப்பட்ட
கருப்பாடு கூட்டம் ஒன்று

கூடி நின்று
குள்ளநரித் தம்பட்டம்
அடிக்கிறதாம்

எட்டாக் கனியை நினைத்து
சீ..சீ ..
இஃது புளிக்குமென்று

மனக்குருடுகள்

நித்தம் பேசுவதிலும்
நெருங்கி கட்டி
சிரிப்பதிலும்

உயிரெனும்
அங்க உறுப்பாய்
உருமாறும் வார்த்தையிலுமே

நேர்மையெனும் அன்பு
நங்கூரமிடுவதாய்

நம்பிக்கையாடுகிறது

கிடைத்து தொலைத்து
தேடிச் சலிப்பதாய்
விலகித்தெறிக்கும்

சில
மனக்குருடுகள்

தீரா பேய்

சுழட்டியடிக்க சுத்தும்
காத்து கருப்பு விலக்கி

கண்ணேறுகளுடன்
பொறமை பாசாங்காய்...

எழுத்தென நடிப்பென
வரும் ...நயவஞ்சகபச்சோந்தி
விரட்ட....

மனம் முன்னும்

அறிவு ஆணியடித்து

மாட்ட வேண்டியுள்ளது....

தீரா பேய் அண்டாமல்விரட்டி
துவம்சம் செய்யும்

திருத்த தெளிவு
திருஷ்டி பொம்மைகள்..!!!!

உண்மை உளி

உன்னை எனக்குள்
உண்மை உளி
இறக்காமல்

நம்மை பிறருக்கு
பதியவைக்கவே

பெருமளவு
முயற்சிஎடுக்கிறது

ப்ரிய வேரில்
வென்னீரூற்றும்

உன் பேரன்பு
சோக அரிதாரங்கள்

நட்பு கண்ணாடி

நட்பு கண்ணாடியை
தெரிந்தே
கீழே போட்டு
உடைத்து விட்டாய்..

உன்னை
மன்னிக்கவும் முடியாமல்
மறக்கவும் நினைக்காமல்
தவிக்கிறது

பாசக் குருதியில்
உன்னை பச்சை குத்தி
கொண்ட மனசு

காரணங்கள் கூறாது
நட்புக்கு மரண ஓலை எழுதி
மெளனமாய் விலகிய
உன்னை மறுபடி பார்த்து

ஒண்றே ஒன்று மட்டும் கேட்கத் தோணுகிறது...???????
""இவ்வளவு தானா நீ"" என்று

பொய்மையின் அகராதி

பொய்மையின்
அகராதி ஆகிவிட்டாய்

உண்மையென நீ
கதறியபோதும்

வெறுப்பு மண்டிய
என்னில் இன்னும்

உனக்காக
மிச்சமிருப்பது

என் நேசிப்புகள் வடிந்த

உன் நலம்விரும்பும்
சில பிரார்த்தனைகள் மட்டுமே

சில்லறைப் பொய்கள்

தீப்பந்தமெடுத்து
தன் தலை
கொளுத்திக் கொள்கிறது

அன்பு ஏங்குவதாய்
அப்பாவி வேஷமிடும்

சிருங்கார
சில்லறைப் பொய்கள்