வலசை நினைவால்

வாடும் 

வலசை நினைவால் 

மெலிந்தேறும் விரல்களில்

நித்தம் பூக்கும் 

நீ

இதழ் குவித்த

மீசை பூக்கள்

பறக்க விடுகிறாய்

முத்தமிட்டு 

பறக்க விடுகிறாய்

கவனமாய் கழற்றி 

வருகிறது.....காற்று

இதழ்களையும்

மணமாய் நகரும்

மணித்துளிகள்

மணமாய் நகரும்

நீ முத்தமிட்ட

நொடியிலிருந்து....

இதழ் பாய் கொடு

இளைப்பாற வேண்டும்

இதழ் பாய் கொடு

தண்ணீர்பழ உதடு

தாகமெடுக்கிறது

இரவு

தா

தண்ணீர்பழ உதடுகளை

ரோஜாக் கொடியிடை

பழக்கப்படுத்தி போனாய்

மொட்டவிழ்க்கும் போது

முத்தம் தந்து

தவித்து ஏங்குகிறது

பூக்கும் போதெல்லாம்

ரோஜாக் கொடியிடை

முத்தம் கோதி எழுப்பு

கொத்தி
முத்தம் கோதி
எழுப்பு

உன்
கழுத்தணைவில்

கண்விழிக்கிறேன்

தவிக்கிறது இரவு

தாப உதடுகளால்
பேசுகிறாய்

தவிக்கிறது
இரவு

ஆலிலை நாயகன்

அடர் வனக்காட்டின்
புல் இன மூங்கிலாக
வேண்டும்

ஆலிலை நாயகன்

உதடு தொட்டு
உயிர் பற்றிஎரிய

முத்தமாய் தளும்பி

அனைத்தையும்
தழுவி நீங்கும்
மழை

உன்
முல்லை அழகில்
மட்டும்....

முத்தமாய் தளும்பி

உயிர் மழை

எதிர்பாரமல்
முகமிழுத்து
எச்சில்
முத்தமிடுகிறாய்

உணர்வெங்கும்
நனைக்கிறது

உன்
உயிர் மழை

உல்லாச தழும்புகள்

களவாணி
முத்தமிடுகிறாய்

உணர்வெங்கும்

உல்லாச தழும்புகள்

மாதுளை முத்தங்கள்

முப்பொழுதும்
எப்பொழுதும் (போல்)
ஒருபொழுதும்
சுவைப்பதில்லை

முத்துதிர்க்கும்
உன்
மாதுளை முத்தங்கள்

முத்தமிட்டு....

எப்போதும் தருவாய
்
எல்லோரும் விரும்பும் பூவை

எனக்கே..எனக்காக....

முத்தமிட்டு....

இன்ப இதிகாசங்கள்

இதழ் முத்தமிட
இனிக்கும்வேளை
இரவென்றே சொல்கிறது

உன் இன்ப இதிகாசங்கள்

ஒத்த முத்த வார்த்தைக்கு

ஒரு வார்த்தையில்
சொல்லி விடுகிறாய்

ஒட்டு மொத்த பிரியங்களை

ஓராயிரம் எழுத்து
கொண்டு வந்து கோர்த்தாலும்

ஈடு இணையாக
மாட்டேங்குது

அந்த ஒத்த
முத்த வார்த்தைக்கு

மழை மலர்

இலை முதல்
இதழ் வரை

முத்தமிட்டு
மயக்கிய

இரவுக் கள்ளனை

ஈர சாட்சியேந்தியே
நித்தம் பகல்

நீதி கேட்கிறது

மழை மலர்

மேலுதட்டு மச்சம்

இதழை விட
அதிக

இதழீர்ப்புவிசை

நிறைந்தது

முத்தமிழுக்கும்
மேலுதட்டு மச்சம்

இதழ் கிடங்கில் !!

யாருக்கும்
தாராத முத்தமொன்று

தனித்துக் கிடக்கிறது

உனக்காக
இதழ் கிடங்கில் !!