தனித்திமிராய்

தன் கவலையேதுமின்றி
தனித்திமிராய்
பெண்மை
சோபித்திருப்பது

#தந்தை தோள்களிலே

பிரம்மனுக்கு நன்றி.....

பிடறி தட்டி

வீழ்கிறேன்

உன்...பின்

வளை பேரெழிலில்

:

:

:

ஓவியமெனினும்

உணர்வுக்குப்பை கிளறிவிடும் கிளியழகே.....

உனதழகில் மோட்சம் தர

பிறவிக்குருடனாய்

படைக்காதிருந்த

பிரம்மனுக்கு நன்றி.....

கண்ணம்மா

என்றும்
பருவப் பேரழகி

பாரதியின்
செல்லம்மாவை விட

கண்ணம்மா

அவள் ஓரு பெயரில்லா அபூர்வ பறவை

ஆளற்ற
ஆகாயப் பெருவெளியில்

சிறகின்றி..
இலக்கு பறக்கும்

அவள் ஓரு
பெயரில்லா

அபூர்வ பறவை

உணர்கிறேன் நானும்

உரசி செல்கிறாய்
உணர்கிறேன்

நானும்
பெண்ணென்று

வெளுத்த வானமாய்

அடை மழை
கொட்டித் தீர்த்து

வெளுத்த வானமாய்

உதிர நாளில் பெண்

பொய்கால் குதிரை

சிலிர்ப்பு சிணுங்கி
சிரித்துவேகமெடுத்து

அழகு கொணட்டி
ஆடுகிறது....

பெண்மை வந்தமரும்
பொய்கால் குதிரை

திராவிட தமிழச்சி

இயல்பின்
சிரிப்பணியும்

இணையில்லா
பேரழகி

மெருகேறும்
பொன்னை மிஞ்சும்

எம்
திராவிட தமிழச்சி

பிடரி ஆண்மை

திருத்த விழிகளால்
உறுத்து பார்ப்பது

பெண்மை
ஓவியமென்றால்

ஒரு நொடி
திணறிப் போகும்

சிலிர்க்கும் ..
பிடரி ஆண்மை

சுவர்ப் பெண்மை

சிறகொடிந்த
சுவர்ப் பெண்மை

எப்போதும் வரைகிறது

இறகுடனே பறவை

அம்மாவின் ஆளுமை

வட்டப் பொட்டு
பேசரி மூக்குத்தி
எட்டுக்கல் தோடு

முதுகு மறைக்கும் ரவிக்கை
முந்தானை வாசனை சேலை

நிமிரா அமைதி
நிமிர்ந்த மனதீரம்

நிகழ்வை..நினைவாய்
அம்மாவின் ஆளுமையாய்

தூரிகை வரையும்

துணைக் காரணிகள்

யாரிங்கே இவள்??

சுவாசம் கெஞ்சியே
மூச்சுகுழல் திறக்கிறது
அவளின்
முதுமைக்கும் இளமைக்கும்
இடைப்பட்ட..இடஒதுக்கீடு வாழ்வு

சேயானாள்..
மங்கை...மனைவியானாள்
தாயானாள்....பாசசிறை வீழ்ந்து
தனியே அவள் யாரென்பதே
அவளுள் அடிக்கடி எழும்
விடையில்லா கேள்வி

தியாகம் அவளின் மேன்மை
நேர்மை அரும்பெரும் அணிகலன்
எல்லோரிலும் அவள் நிறைந்திருந்தாலும்
எதனாலும் அவளை பூரணம் செய்ய முடியாது

உவமைஆயிரம் செப்பி
ஒய்யாரக் கோபுரம் ஏற்றினாலும்

உள்மூச்சு பொசுங்கி
தான் யாரென்று தெரியாது
தனக்கெதுவேண்டுமென்று புரியாது
வெறுமைவாழ்வு சப்பிபோட்ட
மாங்கொட்டையாய்....

விதையூன்ற தனித்திரணியற்று

இன்னும் போராடிக் கொண்டிருக்கும்
33 சதவீத பெண்மைகளில்
அவளும் ஒருத்தியே

விடுதலை கிடைத்தும்
விடைதெரியா இவ் வீரப் போராளிக்கு

பெரும்நிம்மதி நிறைவென்பது
செய்யும் செயலுக்கு கிடைக்கும்

மெச்சுதல் அங்கீகாரம் தானே