தோள் கொடு

தோள் கொடு

விடியல் 

தொடாமல் 

தொடரட்டும் 

#கனவு

பாச நதி

உற்று உன் முகம் பார்க்க 

ஒரு போதும் 

ஆவல்பட்டதில்லை

அருகமர்ந்து பேசி சிரிக்க

ஆயத்தபட்டதுமில்லை

மாதம் ஓரிரு முறை வரும்

அலைபேசியோ

வாரந்தவறாது வரும்

தனித் தகவலோ

தாளா பாச நதியென

வனப் பெருக்கெடுக்க

சுவடழித்து சென்ற காலச்சூறாவளியில்

கழன்று சுழல கற்றுக்கொண்டோம் 

ஏகோர் அருகிருந்தும்

எவருமில்லாதவராய்

இன்றும் என்றும்

ஆங்கோர் அமைதியில்

நினைநரம்பு சுண்டிவிட.....

தினம் பலகுரல் மோதும் 

செவிப்பறையுள் 

ஆயுளிருக்கும்

இயல்பேச்சிடையே நீ

இழுக்கும் 

#கேலி ராகம்

மனம் தவிக்கும்

உடன் நீ

இல்லாநிலையில்

எழுதிட துணியும்

மனம் தவிக்கும்

அனைத்தையும்

பேசிட முடிவதில்லை 

#எளிதில்

பரிசுத்தப் பிள்ளையன்பு

உள் வர

உனக்கு 

அனுமதியில்லை

வெளி வர

எனக்கும் பிரியமில்லை

செல்ல வம்பிழுத்து

இணையக் கண்ணாடி வழி

இருவரும்

பரிமாறி மகிழ்வோம்

தீண்டி திகட்டாத

#பரிசுத்த

பிள்ளையன்பை

ப்ரியமணிகளை

ஆழ் திமிருக்குள் 

கிளறி எடுத்து 

பசியாறடி

உனக்கான

#ப்ரியமணிகளை

தொடர் மழை

உள் தணல்

தூண்டி 

உன் தாகம் கனற்றும்

வெளி கொட்டும் 

தொடர் மழை

தொடரி

தொடரும் மழை

தொட்டிசைந்தணைக்கும்

#தொடரி

உனை

தோளணைவில்

மனங்கொள்ளும் 

திமிரெல்லாம்

உயிரடங்கி போகும் 

உன்

#தோளணைவில் 

தனித்திமிராய்

தன் கவலையேதுமின்றி
தனித்திமிராய்
பெண்மை
சோபித்திருப்பது

#தந்தை தோள்களிலே

ஆள்தல் நம்பிக்கையாக

என் 

கவலைகளை காது கொடுத்து 

வளர்த்துவிட்டதில்லை

வருத்தங்கள் கிளறி 

ஆறுதலணைத்ததுமில்லை

சோகங்கள் இமைவடிக்க

இழுத்தணைத்து 

இன்னும் கூட்டுவதில்லை

துயர்கள் மீளும்

தனிமை தாரமல்

தோளருகில்

உடனிருக்கிறாய்

தேவைப்பொழுதில்

#ஆள்தல் நம்பிக்கையாக

அவளும் பறக்கிறாள்

இரைகளுக்காக அவைகள் 

வருகிறதென்றே

இத்தனை நாள் நினைத்திருந்தாள்

தானியக்கிண்ணம் மறந்து சென்ற போதும்

இறகடித்து வந்தமர்ந்தன

கொத்தும் அலகால் கோதி சிறகமர்த்தி

சிலுப்பி தலையாட்டி

சின்ன நடை நடந்து

பக் பக் என பந்தமாடின

எப்போதும் போல்

கறுப்பி ....நெட்டைதிமிர்

சவலை ... மணிக்குட்டி ...ராசாத்தி 

பெயரிட்டு.........

இப்போதெல்லாம் அவளும்

பறக்கிறாள்

அவைகளுடன்

பாச மனசுக்கு

பார்த்தவுடன் தாவும்

பாச மனசுக்கு

சட்டென்று

மன்னித்து மறக்க 

தெரிவதில்லை

மழலை போல்

தாய்மொழி நீ

தழுவியணைத்து

தவிப்படக்கும்

தாய்மொழி 

நீ 

அன் பூ கண்டு

ஒத்தைப் பூ

கொடுக்கும் போதெல்லாம்

மறுத்து

கொத்தோடு கொடுக்கும் போது

வாங்கிக் கொள்கிறாய்

சூடும் வயது கடந்து

இளமை 

மலர்கள் சிரிக்குதடி

பழுத்த நேசத்தில்

பருவங் கனியும்

அன் பூ கண்டு

தோள் சுமந்தவர் நீர்

உன் போன்ற அண்ணனை அறிந்தவள்நான்

என் போன்ற தங்கையை

தோள் சுமந்தவர் நீர்

ஆதலால்

அன்பிலிருக்கிறோம்

ஒரு தாய் வயிற்றில் பிறக்காமலும்

என்றும் பதினாறாய்

என்றும் பதினாறாய்

மனதிலிருப்பாள்

கல்யாணம் செய்து 

கொள்ள முடியாத 

காதலி

கனிகுறும்பு சிங்கங்கள்

நீ தான் 

காரணமென

அடுப்படி வேலை

இருக்கும் போதெல்லாம்

அழைத்து 

தலையமர்த்தி செல்கிறாள்

சுகமென்ற ருசிக்கனமாய்

தித்திக்கின்றனர்

கனிகுறும்பு

சிங்கங்கள்

சாளர மழைத்துளி யாய்

சாளர மழைத்துளி யாய்

வழியும் மனம்

நினைவு அனலாய்

நிகழ்வு குளிர்ந்து

நீயில்லாமல்

சலங்கை மகள்

நெளிந்த வாழ்க்கை தந்த
குழைந்த திமிர் பரிசு

ஜல் ஜல்
சலங்கை மகள்

நேசம் சமைப்போம் வா..

உன்னிடம் பாசம்

உண்டு...

என்னிடம் பிரியம்

உண்டு......

கொஞ்சல் அனலெடுத்து

நேசம் சமைப்போம்

வா..