பாரதி....பாரத தாயின் செந்தமிழ் தீ....
அக்னிபிழம்பென வந்த அணுசக்தி துகளா
சுதந்திர வேள்வி தந்த விடுதலைச்சுடரா
அடிமைத்தனம் அழித்த தணலெனும் கனலா
பெண்மைபோற்றும் பேராண்மை தீ ஒளியா
எரிமலையென எழுந்தாடும் ...
தமிழ்த்தாய் திமிர்மகனே....
யாரய்யா நீர்........??????????
அப்பனா...அய்யனா
தாத்தனா..பூட்டனா...
தன்னிகரில்லா...தமிழ்த்தாய் மூத்தோனா...
எவ்வழி வந்த வம்ச சூரியன் அய்யா நீர்..???????
பாசாங்கு இல்லை..பகட்டில்லை
பொய்மை இல்லை....பொறாமை இல்லை
நேர்மையெனும் விழிச்சுடர் வழி
உண்மையெனும் மெய்யேந்தினாய்....
ஆதலாலே
இன்று வரை திமிர் எனும் இலக்கணமாகிறாய் நீர்
கண்ணம்மா கொஞ்சுகிறாய்
காக்கைகுயில் என் ஜாதி என்கிறாய்
காணிநிலப் பத்தினிப் பெண் போதும்
என்னை கன்வு அணைத்து முகிழ்த்த
என்றே கள்வெறி தமிழ் ஆளுகிறாய்...
காதலாய்,...பக்தியாய்..விடுதலையாய்
கோபமாய்...வீரமாய்..விவேக தீரமாய்
மீசை முறுக்கி..முண்டாசு கட்டி
நெற்றி திலகமிட்டு...மிடுக்குநடையில்
தமிழ் ஆளும் மேன்மையே...தமிழ் ஆண்ட ஆண்மையே
முப்பொன்று இல்லாமல்....எமனுக்கு எதிர்சவாலிட்டு
அடிமுடி தெரியா அவனித்தமிழுக்கு...
எட்டையாபுரமும் ஓர் பிறப்பிடம் என்று
வரும் தலைமுறைக்கு..வழி சொல்லும் வலியோனே
எம் தாய்த்தமிழ்...தாயுமானவனே....
நின்னை பார்க்க ...படிக்க..நினைக்க...
நெஞ்சுறுதி தந்து வீரமாளும்...பரிவேங்கையே
பாட்டிசை பல்கலைக்கழகமே
நீ கருவென வந்து உரு உதித்த நாளில்..என் கன்னித்தமிழை
வாழ்த்தென சமர்ப்பிக்கிறேன்....நின் ஆத்ம அடிகளில்
கோபமெனும் வீரமாய் எனையாளும்..கொஞ்சுதமிழ்
கவித்திமிர் மகனுக்கு...ஜீவ சமர்ப்பணம்
No comments:
Post a Comment
சுந்தர நேசத்திற்கு வருகை புரிந்தமைக்கு நன்றி..