நட்சத்திர சுட்டியிட்டு
கொத்தும் கிளி தோளேந்தி
வெற்றிலைமாலைவேள்வியுடன்
சித்திரை பவுர்ணமியில்
சிவன் அவன் சேர
இருகர தவேமேந்தி
திருத்திய விழிகளில்
தொடுத்த காதல் நிறைத்து
தச்சனின் மகளாம்
மரகதமாணிக்க பச்சைகற்பூரவல்லி
சுந்தரன் அவன்
குலசேகர பாண்டியன் கனவு வர
கடம்பவன காடழித்து
மாநகரமாக்கிய
ஆலவாய் திருநகராம்
நான் மாடக்கூடலில்
ஆடிவெளிவீதி உள்ளாடி
சித்திரை ஆவணி வெளிவீதிகள்
சித்திரமிட
பொற்றாமரைக் குள பொன்னாய்
செவ்வாடை செழிப்புடன்
இருக்கிநெருக்கிய ஊரில்
செழித்த பாசமக்கள்...நடமாடும்
தூங்காநகரில்...துடிப்புடன் விழித்து
மண்காத்து மக்கள்நேசித்து
மணம் கமழும்
தாழம்பூ தமிழாய்
அண்ணன் அழகர் கரமிணைத்த
சொக்கன் அவன் சுந்தரனோடு
வீற்றிருக்கிறாள் வெற்றியாடி
கைகுவிப்பரைஎல்லாம்
கரம் பிடித்து அணைத்து
மங்கையர் தம் மஞ்சள்நெற்றியில்
மங்கல குங்குமம் காக்கும்
எங்கள் மதுரை மீனாள்
No comments:
Post a Comment
சுந்தர நேசத்திற்கு வருகை புரிந்தமைக்கு நன்றி..