Monday 17 October 2016
மழை
வெளிச்சம் சுற்றி
இறகடித்து கவிழ்ந்தன
ஈசல்கள்
குளிர் தென்றல்
அனுப்பி
கால தாமதம் செய்கிறது
நட்சத்திரங்கள் தூங்க வைத்து வரும்
சிற்றின்ப ஈசலாய்
அஸ்திவாரமின்றி
கோபுரம் கட்டியேறும்
பொய்மை
:
:
:
தலைகுப்பற தானழிவோம்
ஒரு நாளனெத்தெரிந்தும்
#சிற்றின்ப ஈசலாய்
பாச நதி
உற்று உன் முகம் பார்க்க
ஒரு போதும்
ஆவல்பட்டதில்லை
அருகமர்ந்து பேசி சிரிக்க
ஆயத்தபட்டதுமில்லை
மாதம் ஓரிரு முறை வரும்
அலைபேசியோ
வாரந்தவறாது வரும்
தனித் தகவலோ
தாளா பாச நதியென
வனப் பெருக்கெடுக்க
சுவடழித்து சென்ற காலச்சூறாவளியில்
கழன்று சுழல கற்றுக்கொண்டோம்
ஏகோர் அருகிருந்தும்
எவருமில்லாதவராய்
இன்றும் என்றும்
ஆங்கோர் அமைதியில்
நினைநரம்பு சுண்டிவிட.....
தினம் பலகுரல் மோதும்
செவிப்பறையுள்
ஆயுளிருக்கும்
இயல்பேச்சிடையே நீ
இழுக்கும்
#கேலி ராகம்
வாழ்த்து
எளிமை மனமாய்
இனிமை குணமாய்
வளமை பிரியமாய்
அன்புத் தங்கை சுந்தரியின் Sundari Manalan
ஆருயிர் நேசமாய்
ஆனந்த மகிழேந்தும்
அன்புத் தம்பிக்கு ValliManalan Kadayanallur
இனிய பிறந்தநாள் வாழ்த்துகள்
அக்கா என அன்புக் கரமிணைத்து
உயிராடியவள்
உரிமையுடன் அறிமுகம் செய்ய
அன்றிலிருந்து இன்று வரை
இயல்புதாங்கிய சிரிப்புடன்
உயர்வெழும்பிய குணங்களுடன்
பிரியமாடும் தாங்கள்
மண்ணுலகில் என் தங்கைக்கு கிடைத்த வரம்
சந்தித்த நாளில்
தினம் பிரியம் பரிமாறும் நாங்கள்
பற்றிய விரல் விடாமல் பேசிக் கொண்டிருக்க
அதே அன்புடன் உடன்பிறப்பாய்
நீங்களும் கதிரும் பேசி அளவாடியது
என்றும் ஆச்சரியமே
வளர்ந்தும் குழந்தையாக
தன்னை தான் பேணாது
தியாக அன்பிம்சை தரும்
எங்கள் சுந்தரி தங்களுக்கு முதல் மழலையே
அவளுக்கு நீங்கள் வர வாழ்வின்பமே
இன்றணைக்கும் இன்பமும் நிம்மதியும்
என்றுமணைத்து
அன்பு குலச்செல்வன் ஆகாஷ் உடனும்
ஆதர்ச மனைவி சுந்தரியுடனும்
இன்பப் பெருவாழ்வு வாழ
வானவில் பிரியம்
உனக்கான காத்திருப்பின்
கோபத்தில்
கவனித்து பார்
அடியோரம் ஒட்டியிருக்கும்
#முத்தமழை கிளறும்
வானவில் பிரியம்
ஆதி ரிஷிமூலம்
நதியோடி நிகண்ட நிலத்தில்
இறகு விரித்த வலசை ஒன்று
இறக்குமதி செய்த கழிவில்
பழமுத்திய பெருவிதை கழன்று
மண்நுழைந்து போராடி
வேர் கிளைத்து விருட்சமாக
இலைபரப்பிய
மணங்கண்டு மனதிசைந்த
மகிழ்சோடிகள் இயைபு கண்டு
இனம்பெருக்க...
வெடித்திட்ட வேர்முண்டுகள்
வெயில் உண்டு வெப்ப ஏப்பமிட்ட
பெருமூச்சை ....
ஏந்தித் தாங்கிய முகிலது
கருமையடைந்து கற்பு தவற
வான்கூட்டிய பஞ்சாயத்தில்
பகல்திருடன் தப்பிக்க
மூலை தேடி அழ நகர்ந்த முகில்
கூர்தீட்டிய முகட்டு மலை குத்தி
தீராக் கண்ணீர் வடிக்க
குழைதல் ப்ரியம் கண்டது
உருண்டு திரண்ட அண்ட விண்கல்
ஏழ்பிறப்பிற்கும்
என் வாழ்தல்இடம் நீயென
நிர்ணயிக்கிறது
#ஆதி ரிஷிமூலம்
அறி விண்கலமொன்று அவனியிறங்கிய நாள்
அக்னி சிறகு விரித்து
அறி விண்கலமொன்று
அவனியிறங்கிய நாள்
எளிமை சுடரே
எழுச்சி வழியே
தன்னம்பிக்கை நாட்காட்டியே
தன்னலமற்ற தவப்புதல்வனே
அன்பாலும் அரவணைப்பாலும்
உலக உயிர் புதுப்பித்து
புதுவழி காட்டும் நம்பிக்கை ஆசானே
நீ வாழ்ந்த காலத்தில்
வாழ்ந்தோம் நாங்களென்பது
வாழ்நாள் பெருமை எங்களுக்கு
வாழ்தல் தேடும் உயிர்களுக்கு
இருப்பிட உயர்விடமாய்
நீர்நிலைக் கோளமாய்
என்றும் நீர்
ஈரம் கோர்த்து
வியப்பித்திருக்கிறாய்
விண்வெளியுல்...
பரிசுத்தப் பிள்ளையன்பு
உள் வர
உனக்கு
அனுமதியில்லை
வெளி வர
எனக்கும் பிரியமில்லை
செல்ல வம்பிழுத்து
இணையக் கண்ணாடி வழி
இருவரும்
பரிமாறி மகிழ்வோம்
தீண்டி திகட்டாத
பிள்ளையன்பை
Friday 14 October 2016
Thursday 13 October 2016
உடுக்கை இழந்தான்
காப்பிப்பொடி தேடும் முன்
பால் பொங்கி தீய்ந்தது
தோசை, கல்லோடு ஒட்டி
வர மறுத்தது
குக்கரில் விசில் வராமல்
தண்ணீர் வெளியேறி
சாதம் அடிப்பிடிக்க
வாஷிங்மிசினும் நுரையோடு
அடம் பிடித்தது
காய்நறுக்கி கீறி
கை சுட்டு அவஸ்தைப்பட்டு
ஆயிரத்து ஓராவது முறையாக
எரிச்சலோடு திட்டி ஓய்ந்தான்
இத்தனைக்கும் காரணமான
அம்மாவீட்டிற்கு போயிருக்கும்
மனைவியை
பால் பொங்கி தீய்ந்தது
தோசை, கல்லோடு ஒட்டி
வர மறுத்தது
குக்கரில் விசில் வராமல்
தண்ணீர் வெளியேறி
சாதம் அடிப்பிடிக்க
வாஷிங்மிசினும் நுரையோடு
அடம் பிடித்தது
காய்நறுக்கி கீறி
கை சுட்டு அவஸ்தைப்பட்டு
ஆயிரத்து ஓராவது முறையாக
எரிச்சலோடு திட்டி ஓய்ந்தான்
இத்தனைக்கும் காரணமான
அம்மாவீட்டிற்கு போயிருக்கும்
மனைவியை
Wednesday 12 October 2016
ஆள்தல் நம்பிக்கையாக
என்
கவலைகளை காது கொடுத்து
வளர்த்துவிட்டதில்லை
வருத்தங்கள் கிளறி
ஆறுதலணைத்ததுமில்லை
சோகங்கள் இமைவடிக்க
இழுத்தணைத்து
இன்னும் கூட்டுவதில்லை
துயர்கள் மீளும்
தனிமை தாரமல்
தோளருகில்
உடனிருக்கிறாய்
தேவைப்பொழுதில்
#ஆள்தல் நம்பிக்கையாக
Tuesday 11 October 2016
அவளும் பறக்கிறாள்
இரைகளுக்காக அவைகள்
வருகிறதென்றே
இத்தனை நாள் நினைத்திருந்தாள்
தானியக்கிண்ணம் மறந்து சென்ற போதும்
இறகடித்து வந்தமர்ந்தன
கொத்தும் அலகால் கோதி சிறகமர்த்தி
சிலுப்பி தலையாட்டி
சின்ன நடை நடந்து
பக் பக் என பந்தமாடின
எப்போதும் போல்
கறுப்பி ....நெட்டைதிமிர்
சவலை ... மணிக்குட்டி ...ராசாத்தி
பெயரிட்டு.........
இப்போதெல்லாம் அவளும்
பறக்கிறாள்
அவைகளுடன்
Subscribe to:
Posts (Atom)