தொடரி

தொடரும் மழை

தொட்டிசைந்தணைக்கும்

#தொடரி

உனை

இரவுமழை

மின்னல் கண்ணடிக்க

அமைதிக் கண்ணீராய்

அடம்பிடித்து

குளம் கட்டுகிறது

#இரவுமழை

பரிதாபத்தில் பாதசாரிகள்

வராது வந்தணைத்த

மழையை 

இயைபு கொஞ்சி

இருப்பவர்கள் குளிர்காய 

படுக்குமிடம் பறிபோன 

பரிதாபத்தில் 

பாதசாரிகள்

நன்மை மழை

நன்மை மழையும் 

#கெடுக்கிறது

நாடோடிகள் வாழ்வை

பூ #விடம்

வெளுத்ததை எல்லாம் 

நம்பும் மனதை 

கொத்தி அனுபவம் 

சொல்கிறது

பூ #விடம்

வலசை நினைவால்

வாடும் 

வலசை நினைவால் 

மெலிந்தேறும் விரல்களில்

நித்தம் பூக்கும் 

நீ

இதழ் குவித்த

மீசை பூக்கள்

உடுக்கை இழந்தான்

காப்பிப்பொடி தேடும் முன் 
பால் பொங்கி தீய்ந்தது
தோசை, கல்லோடு ஒட்டி 
வர மறுத்தது
குக்கரில் விசில் வராமல்
தண்ணீர் வெளியேறி
சாதம் அடிப்பிடிக்க
வாஷிங்மிசினும் நுரையோடு
அடம் பிடித்தது
காய்நறுக்கி கீறி
கை சுட்டு அவஸ்தைப்பட்டு
ஆயிரத்து ஓராவது முறையாக
எரிச்சலோடு திட்டி ஓய்ந்தான்

இத்தனைக்கும் காரணமான
அம்மாவீட்டிற்கு போயிருக்கும்
மனைவியை