விழித்த நொடிகள்
தொடுத்து சேமித்த
அறிவு புகுந்து புகுத்தி
எண்ணமெங்கும்
எழுத்துக்கள் ஓட
எழுதிய காகித பிரதி
கண்ணில் சுமந்து
உணவு மறந்து
உயிர் அணுவெங்கும்
கல்வி நிறைத்து
எதிர்காலம் தேடி
நன்நிலம் உழ ...
பேனா கலப்பையேந்தி
தேர்வெழுத ஆயுத்தமாகி
வரும் விதைநெல்
முளைப் பிரியங்களே
செழித்த திறமை
செம் பொன் அறுவடையாகி
சீர் மறவன் பசி நீக்கி
திமிர் நிமிர் நடை நீர் நடக்க
வருங்கால வெற்றி புகழ்
வாழ்வியல் நிம்மதியாய்
உங்களில் நிறைந்து
வளமை நடை போடட்டும்
வல்லரசு..உம் கனவுகளின் பாதையில்
மறுமலர்ச்சி சமுதாயம் தர
மெழுகென உழைப்புருகும்
பிஞ்சுப்பொன் தளிர்களே
விருட்சம் தாங்க வேரோடும்
விழுதுகளே
ஆசீர்வாத வாழ்த்து
பிரார்த்தனைகளுடன்
வெற்றிக் கொடி கட்டட்டும்
உம்
கருநிறை கல்விஆளுமை
No comments:
Post a Comment
சுந்தர நேசத்திற்கு வருகை புரிந்தமைக்கு நன்றி..